Hitzak: Iñaki Beristain
Doinua: Herrikoia
Belenen sortu zaigu Jainkoa,
ahultasunaren gatibu,
ta askatasun-bide berriak
guri urratu dizkigu:
horra Jainkoa giza haragitan
maitasunaren testigu.
Belenen sortu zaigu Jainkoa,
Aitaren salbamen-Hitza:
maitasun-egintzak egiteko
libratu zaigu bizitza;
Belengo misterioa dugu
zori onenaren giltza!
Belenen sortu zaigu Jainkoa,
zeru itxiak urratuz,
erruki hutsez egin du Jaunak
egintza hau bere kabuz;
neurri hontako doantasuna
eskertu dezagun kantuz.
Belenen sortu zaigu Jainkoa,
esperantzaren emaitza,
bete-betean bete du Aitak
Abenduaren agintza.
Belenen sortu zaren Jainkoa,
ospe, gorespen ta aintza!