Hitzak: Iñaki Beristain
Doinua: Herrikoia
Maitasun hutsa da gure Jaungoikoa,
benetan maitasun neurrigabekoa,
guregatik Semea galtzerainokoa!
Horra gizona orain Jainko-mailakoa!
Aitak bidali du Jesus gurutzera:
Beragan bota du gizonon galera,
horrela gu hurbilduz Aitaren aldera!
Lehengo gizon galduok orain seme gera!
Horra Jesus Jauna gurutzean hila,
hilobiratua, lurpean isila,
infernura jaitsi zen gizonaren bila:
orain gizona poztu ta bizi dadila.