Hitzak: Iñaki Beristain
Doinua: Bizanziar liturgikoa
Horra Jauna, benetako argia,
hor itsuen eguzkia.
Hurbildu itsu den guztia,
hark zabalduko dio-ta begia.
Jauna da guztion argia!
Horra Jauna, egiazko iturri,
horra ur bizien harri:
nor dago, nor dago egarri?
Jaunagan ez da egarrituko berriz.
Jauna da betiko iturri!
Horra Jauna, zinezko ontasuna,
horra behartsuen Jauna:
hurbildu behartsu zarena,
Jauna da zure aberastasuna,
goseak asetzen dituna!
Goratua Zu, Jaungoiko indartsu,
gora, Hirutasun ahaltsu.
Zuk errukitzen badakizu,
zuk betirako bizia daukazu.
Gora, bai, Hirutasun santu!