Hitzak: Iñaki Beristain
Doinua: Pello Zabala
Jauna, zure dei-hotsa
heldu da herrira
ta zure fededunak
martxan jarri dira
ilunpe gaiztotatik argira!
Penitentzi ta damuz
Garizuman gora,
ibil-pauso apalez
badakigu nora:
argiz pozten gaituen Pazkora!
Barauz arintzen zaigu
aurrera-nahia,
indarren sendabide
Hitzaren mahaia.
Latza den arren, martxa alaia!
Maite duzun eskaintza
elkarren ardura,
gure maitasun-lanak
zu zaitu helmuga:
zure onginahiaren kantu da!
Gure Jaun errukior
ta bihotz handiko,
kantu bekatari hau
hartzazu begiko:
gorespen, aintza zuri betiko!