Hitzak: Iñaki Beristain
Musika: Pello Zabala
Igandeko Maria
emakume osoa,
Pazkoako usoa
Poztu ezazu, poztu
Osotasunez
gizakien auzoa
1. Non zinen, Maria,
Pazko goizean
Igandeko eguzkia
Berpiztu zenean?
Hortxe, zuen historiaren
ertzean, Bizia berpizten
giza bihotzean
Non zinen Igokunde egunean?
Jesus, berpizturik zerura
Igo zenean?
Hortxe zuen bihotz
astunen barnean
esperantza sortzen
ahaleginean.
2. Non zinen Pentekoste egunean
mundua sustraietatik
berritu zenean?
Hortxe zuen elkartean
otoitzean,
Espirituzko biziren eskean
Non zara gure ordu ilunean
argiz guztiak lainoz
estaltzen direnean?
Hortxe zuekin eta zuen artean
argiak pizten Emausko bidean.